Si konm moin zot la gingn l’okazyon frékant bann madam, sirtou sak la fine ète in pé azé, moin lé sir zot la fine antann kozman-la. Mi oi souvan dé foi bann madam i pass dann shomin, dovan la port demoun, sansa dann in l’éspozisyon flèr ébin ou i oi azot toudinkou kass in boutir flèr. Kan ou i domann azot pou kosa zot i fé sa, ébin zot i réponn aou avèk lo kozman moin la mark an-o la. Pétète zot i pé dir amoin, sa la pa in n’afèr bann vyé nénèn i kroi mé sé dé shoz zot i vé fé kroir d’moun. (…)