Alon arparl ankor in kou la Guyane : néna bonpé doktèr lé panshé dsi li avèk tout z’ot train pou trouv kèl sé son maladi. In pé i di malgré li na rosours, lo bann z’invèstisman lé pa sifizan. I di ankor dopi La Guyane lé départman la zamé pran bann problèm bra lo kor. Aprésa i di lo gran problèm sé la kriminalité. In késton i doizète pozé : kan i di sak moin la ékrir an-o la, i parl la koz sansa la konsékans, lo rasine sansa lo bransh, pars inn é l’ot la pa parèy ditou. Pou kosa mi di sa ? (…)