Pétète zot i koné kozman la, pétète zot i koné pa. An tou lé ka nana in bonpé kozman dann in bonpé langi ropran in n’afèr konmsa la. Ni konpran bien kosa sa i vé dir pars pou fé lo kontrèr mi pans lo kouto i doizète bien artikilé. Konm la plipar d’tan lo mansh avèk la lam lé solidèr inn avèk l’ot, ni konpran lé kaziman inposib fé in l’opérasyon konm moin la mark an o la. Dann bann patoi kréol ni koné in min i lav l’ot pars alé lav in min tousèl ou nora difikilté é tout fason sar lavé an (…)