Mi souvien, moin la antann kozman-la dann la boush in vyé madam, dopi so tan-la, la fine pass l’ot koté la vi. Alors, vyémadam-la, l’avé in jene fiy èl té i protèj bien é in zour la jene fiy la tonm an amour pou in garson é konm zot i koné : konm i di, dabor i agard avèk lo zyé, épi i pous in pé pli loin lo z’afèr, dabor i frékant épi i anfant. Sa sé in règloman natirè ! Si tèlman k’in zour la fiy i romark son moi i ariv pa é dizon toutsuit èl lété an voi d’famiy. Lo vyé madam la fé pou (…)