Mi koné pa si moin la fine anparl kozman-la. Pé s’fèr oui ! Pétète non ! Touléka sa sé in vré kozman isi La Rényon pa in kozman anprété d’isi d’laba konm mi fé souvan dé foi. Kosa sa i vé dir ? Sans prop, la pa si konpliké. Zot i koné nana in ord pou tir manzé : i paré i fo tir lo ri an pre, aprésa mète lo grin, épizapré lo kari, épizapré ankor lo piman é pi in vèrdir si nana. Si avèk sa out vant la pa bloké ébin dizon mi koné pi tomat. Fitintan kari té rar é désèrtin malin, sansa gourman, (…)