Kozman-la i fé pans amoin in romans mardi gra té i di konmsa : sote koman ti vé koko, toué lé pri dann la min korbo ! Sinpleman kan moin la rogard sa dann diksyonèr Alain Armand, moin la vi sé t’in provèrb. L’èrla moin lé dann l’anbara. Pou kosa ? Pars ki di provèrb di sans prop épi sans figiré. Sans prop la pa bézoin ou lé savan pou konprann sa, mé sans figiré ? Pétète sa i vé dir ou lé pa tousèl pou ète o zagué . Si ou i dor dsi in sèl zorèy, na d’ot lé konm ou, donk pans pa prann lé z’ot (…)