Zistoir Bik-Bok épi lo lyèv pri dann pyèz (promyé morso)
L’avé inn foi pou inn bone foi, dann in kartyé, isi La Rényon l’avé in jenn garson téi apèl Zanmisèl. Pou viv, li té i poz la kol, li téi shass gèp, épi li té i fé avèk in boi golète épi in kord in pyèz pou lyèv, konm li té i fé galman gob pou trap zoizo. Avèk sa li téi gingn pa vréman son pourkoi mé tazantan li té i gingn in moné.
Donk, in nuite, li poz in pyèz pou lyèv é li amors lo pyèz avèk in morso manyok kri. Lyèv I yèm sa é lo pov zanimo, an dé tan, troi mouvman, lé pri dann la. (…)