Zot i koné kosa i lé mon pli gran rogré ? Sé k’in zour, m’a lèss pou bann zénérassyon i vien apré moin in péi la pa konm sète mi voudré. Pars sète mi voudré la grandi dann mon tète dann tan mon zénès é firamézir moin té i pans nou v’alé dann bon sans épi bonsans an bon sans, va amenn anou an avoir in péi konm moin té i vé. Poïtan l’istoir i marsh pa konmsa ! Dé foi li avans épi li rokil. Dé foi li pran lo tan pou li shanj in pti pé épi, i rotourn an aryèr san donn plis z’ésplikasyon ké (…)