(page 16) Èk le trin d’ “réform sosial” bann sosialis alman (le SPD) la mèt an plas’, l’Allemagne lé plonzé zordi dann in shomaz rekor. Rézon pou lakèl, dann zélèksion dimansh pasé, la popilasion la di arèt èksa ! Se trin d’ “réform sosial”, a pé d’shoz pré, sé la politik le P.S. la mèt si le ray an Frans. In politik l’UMP i kontinié zordi, plik zamé. La défète istorik le SPD i devré, omoins’, fé réfléshi bann rèsponsab le PS. Sat la mèm i pran "la konkirans lib é non fosé" pou zot bib (…)