Mélon moin l’apré anparl éi apèl pastèk solon moin sabnsa mélo d’o sé l’ot nom pou lo frui. Mélon d’o sa lé gro é si ou i mète inn sou in bra, inn sou l’ot bra dizon dsou shak gingin osinonsa kèlkèl ou lé blijé marsh bra karté é sa lé pa bon pou l’ékilib. An plis in mélon lé riskab toné bate atèr kasé. Sré domaz pou in bon frui konmsa. Par l’fète, lo kozman mi nonm zordi i invite shakinn pou pran bien son prékosyon kan li fé in n’afèr é fé shak z’afèr an sékirité. Mi pans sé sa é pa pliské (…)