Moin l’avé in paran la viv bien vyé. Li la pa trap sant’an mé li té pa loin trapé. Demoun té i oi ali kan li té i sava suiv in l’antèrman. Zot i koné nana in l’az ou i sava plis l’antèrman ké batèm, konmsi l’odèr la tèr fouyé té i fé z’apèl pou ou. An touléka, mon vyé paran té i mank pa in l’antèrman é kan d’moun té i oi ali, té i di souvan : “A ! Mésyé Intèl ou lé ankor la don ?”. In manyèr pou fé konprann li nar pa été tro mal plasé si lété li dan la boite plito k’lot moun. Sé dir azot si (…)