Sa i vé dir : f-i, fi, n-i, ni. Donk kont pa dsi. In l’ébzanp : ou i anprète in moun in moné é ou i apèrsoi li évite aou tanpir k‘li pé ! Fé in kroi dsi out larzan pars son l’idé ranbours aou lé fine aboli. In n’ot l’ébzanp : in zanimo la parti maron dopi plizyèr zour é ou i san bien li la pa pou rotourné. Fé out dèye ! Kozman la, la pa in kozman koméla, sa té plito ansèrvi par d’moun lontan, mé la pa pou sa i fo lès sali tonbé pars, sanm pou moin, lé bien posib ardonn ali favèr. Pou kosa ? (…)