Beaucaire ? Sa i di azot kékshoz konm vil ? Moin pèrsonèl sa i di pa moin granshoz. Sof in n’afèr kant mèm : sa i rapèl amoin, bann léktir nout mète lékol téi done anou pou lir. Sa i rapèl amoin bann lète mon moulin in sèrtin Alphonse Daudet ; in l’ékrivin désédé zordi é dopi lontan, mé téi koné bien tourn son bann lète tèl fason ou téi lira li dopi lo komansman ziska la finisyon san zamé pèrd lo fil sak li té apré rakonté. Mé Beaucaire zordi, d’apré sak i paré, la pi bann zoli shoz la. (…)