Désèrtin moun néna bon bagou, d’ot la poin. Bagou ? In pé i apèl sa l’élokans. D’ot i apèl sa sinploman la bone blag. La pa bézoin bak plis vinn-sink pou konprann kozman moin la mark an-o la. In bon kozman i pé tir ou dann l’anbara. Mé, rantre nou, bagou sé manzé la lang é konm Ezop téi di : « la lang sé lo méyèr é galman lo pli pir kétshoz néna dsi la tèr ». Pou kosa ? Pars li pé sov anou, sa lé vré ! Sorman li pé fé kondane aou. Sov aou, si konm moin la di ou i pé par out blag gingn l’apui (…)