Sak son famiy l’avé ib l’élvaz koshon, i koné bien kosa i lé lo sal. Dizon sé bann lo graé-graé, avèk désèrtin z’afèr dodan konm bann morso légime, pome tèr, sansa patate, rouroute osinonsa konflor. Kozman-la, sans prop, ni kon pran sa bien é lé pa bézooin an avoir bak plis vinnsink pou bien konprann ali. Mé néna galman in sans figiré é mi diré mèm sé in foutan vik i parl lo sal é ni pé oir sa konm in kékshoz in pé malonète konm volé, vann la drog, épi fé tout sor z’afèr la moral i kondane. (…)