Néna kék tan, moin la pa gingn lo plézir admir in vré rasanblaz zoizo dann piédboi, lo soir sizèr bondié, kan zot i larg zot prièr. Na poin aryin, na poin konsèr pli gayar, pli zoli k’sa. Mi arvir la dsi akoz ? Pars na poin tro lontan, par koté lo grot Sinpol, bon pé d’moun té témoin in fénomèn in pé parey, landroi piknik. Sof ké so kou la, té pa zoizo bondié té dann piédboi, mé in troupo lo ra, té pou zoué lou casièt dann branshaz ! Domoun kèr féb, té kab gingn sézisman. Mé anplis késa, (…)