Zot i koné kosa i lé lo mémoir d’famiy ? Dizon sa in vyé fon kiltirèl i aprtien lo famiy. La-dan néna kozman, néna zistoir, néna lézann in pé mantèr souvan dé foi, néna osi lo pti listoir d’famiy akomodé avèk in sos pou rann pli gloryé sak lé moin, pou rann éroïk sak pétète lé pa. Donk dann mon mémoir d’famiy néna listoir in gran lansien lété ménuizyé kék par laba la Ptitil. Donk in zour in moun-par l’fète in vy é kamarad-i komann ali in pti tabouré é i domann ali konbien i pé fé ali sa. Lo (…)