Lé kant mèm in n’afèr sa ! Alor nou lé dann in péi i manz dori, tou lé zour shak zour, konm la baz nout manzé é oila in péi i fé vni an déor tout lo ri li la bézoin… In dalon la di amoin sa i fé a popré sinkant mil tone. Pou mon par moin la fine dir i fo ni plant dori is La Rényon pars sa lé obligatoir. Pou kosa ? Pars ni pé pa touzour baz dsi baton tonton pou travèrs la rivyèr. Pars ni pé pa kont dsi d’moun i dor lo vant domi vid pou ranpli nout boujaron anou. Pars kréol i réklam do ri bio (…)