Dann lang fransé i di solman : l’amour lé avèg. Mi rapèl in voizine apré dispite apré son fiy, solon èl l’avé mal shoizi son mari. El téi di : in bon zo i tonm zamé dann la gèl in bon shien. Lo fiy téi réponn : défin papa-son papa lété pi la-la pa la roz édouar non pli, poitan la pa anpèsh azot maryé, zot dé li. Anou paran, souvan dé foi, ni romark dé shoz i fo pa é not romark i sèrv arienk pou dégaj nout bil, pa pou fé shanj d’avi nout zanfan. Parl pi kan ni mèl dé shoz la pa sir i rogard (…)