Lo 8 mars i vyinn éspasé. Bann madanm té anlèr, té alonèr. Té lozik, akoz sa té in zour inpé éspésyal : Zourné internasyonal lo drwa fanm. Sétané, fo romarké, la Rényon la fé asé for, li té vé pa pass pou karyol bourik. Zournal konm radyo, télé, tout kalité médya, la fé zot zaktyalité ladsi. La ékri in ta zafèr, la koz osi in bon pé. Anpliskésa, partou navé kékshoz d’si fanm. Tan myé, banna i mérit si télman. Zordi, sétin satisfaksyon, d’war koman lo drwa bann madanm dann la sosyété la (…)