Dopi kéktan, zot tout la romarké konm mwin, personn i koz pi problèm zanboutéyman i pouri lo kotidyin popilasyon la Rényion, mi antan pi ditou okin rouspétaz. Konmsi, nout tout la fine konsidèr so koshmar konm in fatalité, ou sinonsa konm nout kiltir, sansa ankor konm in patrimwann la Rényon ki fo konsérvé. Non sélman, lo kestyon la fine konm tabou, mé lo kantité loto név i fini pi gomanté. I vann konm ti-pin. Loto, ankor loto. Fransh vérité, mi konpran pi aryin. Lo statistik promyé trimès (…)