Kan nou marmaye, é kan Papang téi vien fé son ronn dsi in park volaye, nou téi kriy : « Papang volèr poul ! Papang volèr poul ! » é lo bann poul téikriy zot osi pou sèye faroush lo modi zoizo . Sa téi anpèsh pa bann papang désann an flèsh épi tazantan trap in volaye fatigé pou alé ansanm. Volaye téi pé kriyé si li vé, souplègn si li vé, kriy tir, domann pardon, li lété parti é sirman li téi sava sèrv gard manzé pou lo famiy papang. Mé volaye fatigé, avèk papang sa sé dé shoz ki égzis dann (…)