Mi pans zot lé konm moin. Dann kèl sans mi di sa ? Dann sans zot konm moin, ni réspir rényoné, ni manz rényoné, ni pans rényoné, ni koz rényoné, ni soufèr rényoné. A ! La Rényon si ou i savé konm ou lé prézan dann nout pansé, dann nout konsyans, dann nout shèr, dann nout l’am ? Sanm pou moin, noré do koi fé roprann aou favèr. Akoz ropran favèr ? Pars néna doulèr dann moun isi la Rényon, néna soufrans dann kèr bann rényoné, néna la kolèr, néna léspoir galman mé léspoir la dékaniye in pé sé (…)