Mésyé, Médam, la sosyété, dann tout provèrb i parl souvan bann déga la parol i pé fé. Mi koné in provèrb i di : « Tienbo in mo sé égard in zami ! » é lo kontrèr lé évidan : koz an tro sé pèrd in zami. La pa d’moun k’i viv konm nou dann péi ladi-lafé, i pé donn la démanti. La boush, an vérité la lang, sa i pé fé bokou d’tor. Mi souvien in gramoun dann mon famiy téi di souvan dé foi an parlann sa sèr : la boush lé tayé pou di movèz shoz. Kalkil bien zot va oir ziska kèl poin kozman-la lé vré. (…)