Mésyé, médam, la sosyété, mi pans zot i koné kosa i vé dir manj o pyé. Pou lo ka zot i konétré pa, lé pli préférab mi asplik sak mi konpran kan mi di sa. Figir azot kan moin lété anko fèb, moin té i yèm bien avèye bann travayèr kan zot téi vien travaye dan la kour. Lété a popré toultan lo mèm moun. An parmi l’avé in sharpantyé demoun téi kriye ali « MAMA ». Lo MAMA an késtyon té i yèm kozé mèm si li téi bégèye in pé bokou. Donk in zour MAMA té apré rakont son souvnir kan li téi travaye pou (…)