Mésyé, médam, la sosyété, si zot la bien lir kozman lé marké an-o la, zot i romark, konm tout provèrb li néna in sans prop épi in sans figiré. Sans prop lé pa tro difisil pou konprann. I sifi solman konète lir épi konète in pé lo vokabilèr, mé dann in ka konm nou néna lé pliské fasil. Donk alon anparl lo sans figiré é sète-la kosa li di anou ? Kont kosa li mète anou an gard ? Li mète anou an gard kont kékshoz l’ariv d’ot moun é i pé ariv anou osi. Pars défoi ou i pans i sa pa ariv aou arien (…)