Mésyé, médam, la sosyété, koz avèk moin sé koz avèk in kouyon-sé o pyé d’lo mir k’i oi lo mason. Mé zami, mi koné pa si konm moin l’ariv azot diskite avèk in moun in pé boushé mé mi pé dir azot la pa in n’afèr fasil. Dabor lo moun boushé li néna arienk sèrtitid é son sèrtitid I bouj pa an vyéisan-pli pir, oplis li sava dann tan, oplis la kouyonis i bétone dann son tète. Lo saz pou son par li na poin sèrtitid pars li pass son tan a dékouvèr dé shoz é pli pir, li konpran li na poin la vérité, (…)