Mésyé, Médam, La sosyété, koz èk moin sé koz èk in kouyon mé sé o pyé d’lo mir k’i oi lo mason. Zot k’i viv an parmi l’moun konm moin, zot i konpran bien kosa nout kozman i vé dir sansa plito zot lé konm moin apré souéte in shanjman dann la sosyété. An parlann baton, zot i koné néna in bout pou tienbo lo baton é in bout pou tap dsi la tète in pé. Sorman kan ou i kalkil bien ou i apèrsoi néna in pé rant nou-nonbré biensir !-la toultan gingn kou d’baton dsi la tète, donk lété toulan in mèm (…)