Moin la fine komans rakont azot koman Rialy la désid alé rode par li mèm in moun pou li maryé pars solon li son paran té pa kapab rode pou li in madam k’i konvien ali Li sava. Mé son momon i domann ali koman èl va fé pou avoir son nouvèl. Rialy i réponn i sifi rogard pyé banane li la planté étan pti. Si lo bann fèye lé bien zoli, bien vèr, sa i vé dir li lé bien, si lo touf banane i komans joni sansa séshé sa i vé dir li lé pa bien ditou. L’avé inn foi, pou inn bone foi, mésyé lo foi la (…)