Dèrnyé foi kan nou la kite anou apré troizyèm morso, Ronar téi trass avèk son filé poisson é Izangrin asiz dsi la rivyèr glasé, in séo pandiyé avèk son ké lété apré atann poisson i ranpli son séo pou li fé-konm lo goupil l’avé promète ali, in pèsh mirakilèz. Mé lo froi téi tate épi Izangrin téi aspèr touzour poisson téi ranpli son séo. Li téi pans, in n’instan talèr son séo sora plin zoli-zoli poisson é li v’amène manzé pou son fanm Erméline épi son zanfan. Li téi lir déza lo kontantman dann (…)