Mésyé zé Médam, la sosyété, koz èk moin sé koz èk in kouyon mé sé o pyé d’lo mir k’i oi lo mason. Mézami, zot i koné demoun lé konmsa : souvan dé foi zot i pène an roz zot pasé, épi an noir zot zordi, é pou lo fitir zot i oz pa fé l’ plan dsi la komète. Mé konm moin la fine dir inndé foi : la pa sak i ariv aou k’i kont vréman, sé la fason ou i pran sak i ariv. Mi rapèl mon gran-mèr, in bon vyé madam, téi amenn la vi dir, mé toultan avèk lo mèm sourir é èl l’avé in kozman téi rovien souvan (…)