Médam zé mésyé, la sosyété, mi koné in ta d’moun la movèz imèr i fé pèrd azot zot zoiné souvan dé foi. Moin lé sir kan zot i kalkil in kou zot i doi di zot la pèrd in bonpé d’tan arienk pou gard zot movè imèr. Sa lé dézagréab pou toulmoun : pou lé zot biensir, mé pou zot sirtou. Souvan dé foi, ou i di dann out kèr : pou kosa sète la lé ankor an boi pointi zordi ? Kosa l’ariv sa ? Sa in métyé sa ? An touléka, pou moin la bone imèr sé lo lantidote pou la movèz imèr. Donk ala in solisyon, mé si (…)