Mé zami, in kyète pa, sa sé solman in kou d’gèl-dizon in l’invitasyon pou rofléshi dsi i sityasion paradoksal. Pars shak ané, bann sèrvis l’INSEE i anvoye bann zankétèr dsi la rout ziska la kaz demoun pou kont konbienn moun lé ilétré. Ilétré ? I aparé sa i vé dir ou i gingn pa konprann in tèks sinp é ou i gingn pa dir kékshoz a l’ékri avèk in tèks sinp. Moin néna in diksyonèr ki di : in ilétré sé in moun inkilt lé sansa pa tro kapab lir épi ékrir. I parétré néna san sèz mil pèrsone lé konmsa (…)