Inn la pèr ! L’ot i krin ! Poitan Binan lété for. Tayé konm son papa an larzèr é an kostodir, mé téi mank ali in pé la longuèr. Kanaye pou sa par lété long : pa in kass papaye san golète konm l’avé in pé dann tan, mé inn bone grandèr kant mèm. Si nout dë éro, té pa préssé pou komans bagar, l’antouraz lété préssé pou larg la sos. Mé o – fon si Binan, promyé garson Pti Bénoi l’avé son rézon pou déklansh bagar é si ! Kanaye-dézyèm garson Poisson Rouz l’avé galman tout son rézon pou déklansh (…)