Poitan zot i koné kan dé zenn zan i bataye konmsa dabitid la poinn sogré pou pèrsone. Défoi sa téi ariv pou inn fiy : pars inn i koutiz la fiy é l’ot i voudré ossi fé in fyon sanm èl é par zalouzri i ariv a shoké. D’ot foi sé kérèl de famiy pou lo bien : in bien mal partazé, inn i pans li la poin la par k’i rovien ali, é li pans néna proférans dann la famiy. Alor i pé ariv a diskité, a dispité, a roul atèr an finnkont. Néna d’ot sé pou d’ot shoz rant demoun fashé pou kosa i koné pa : in sort (…)