Zordi nou lé dann l’ané 2016. Dann mèm pa dis moi n’ora in z’élèksyon prézidansyèl é ala ké toudinkou lo gouvèrnman i lans son prozé pou l’égalité réèl apré an avoir romark in n’afèr, konm tout sak la pankor pèrd la vu, ké soisant-dizan apré la loi départman fransé nou lé ankor dann l’inégalité réèl. Toudinkou ? Non va, pars sa i fé près in an i parl de sa mé lé shoz i avans la vitès in torti. Pou kosa ? Pétète pars mésyé Hollande i kont la dsi pou fé vote bann gogo l’outre-mèr pou li. (…)