Dann la lang fransèz na in patoi i anparl mémoir lyèv, pou dir lyèv na poinn mémoir é pou dir galman si in moun nana in mémoir lyèv, sa i vé dir li rotien pa gran shoz… An parlann lyèv, mi souvien de moun téi poz z’ot pyèz près koté l’androi zot la fine trap in lyèv é d’apré sak mi rapèl inn dé zour apré lo moun téi trap ankor in n’ot… Antansyon ! I fo pa pans bann z’animo na poin la mémoir : tout sak i sèye anpoizone lo ra, i koné bien sa i éspas pa konmsa. Momandoné lo ra la fine débisk (…)