Matante Zélida la ékrir Justin : Mon shèr nové, mon spès salté, rouj-de-fon dovan l’étèrnité, mi antann azot apré parl la sékirité alimantèr pou nou isi La Rényon. Kozé lé bon : a oui, ni pé dir. Pou kosa mi di sa émi pran pa bann rouj-de-fon o séryé kan zot i grenn z’ot litani ? Pars moin la bien ékoute bann z’ansien é moin mèm moin néna souvnir. Souvnir in tan téi mank anou bokou d’shoz. Dann tan-la La Rényon lété izolé par rapport la guèr trant nèf-karann-sink. L’avé près poin manzé, (…)