Mé zami, so matin, kan moin la lir mon bann mésaz dsi lo rézo sosyo, moin l’aprann vantredi k’i vien sé lo vantredi noir-i di galman sé lo vantredi fou-par raport l’invitasyon i sort in pé partou pou ashté in takonn zafèr initil avèk tout sort kalité soidizan bon plan : in l’invitasyon pou gaspiyé, pou dépans son larzan, é fé ninport de koi avèk. Si sé sinploman lo gaspiyaz, moin noré pans dann lo tan k’i kour la pa in n’afèr pou fèr épi mazine ankor tout bann produi i in vite amoin pou (…)