Oté

Prizonyé la min doboi vanzèréz

Morso niméro dë

Georges Gauvin / 15 février 2021

...Mé kossa banna va di si zot i rann azot konte lo vol ?Va di sé lo shate lotèr ?épi pèrsone i romark ar pa arien. Alé ! an avan.

— Volèr !
— Hin ? Kissa la kozé la ?Siouplé ? Néna d’moun dnn mir ?Dsou lo li, poitan li la bien antann demoun apré souf sa dann son zorèye, Mé poum la bien anatnn sa klèrman. Li volèr,Mé i vol pa in n’afèr lé aou.Lé tro bète,an avan marsh !.

Ayayay !La sérir i fgrinss,éskalyé i krake,la porte sal a manzé i rézist é souplègn. ;La, la klé dsi lo batan la por. ;Li taton in pé :ala inn !ala in n’ote,néna sis tassé lé zinn dsi lé zote konm in bann ti bébé lapin

Vite, vite, Poum ai aval troi pti chou.ankor inn.Astèr lo krime i komanss.Mé i pé arète nèt e dsi la ante lo viss ? In sin kyèm ! poum maléré, ton konsyans i garde atoué..Non ! Pa lo sizyèm.li lé si tèlman pti, sé lo dèrnyé, kazima in lorfélin..Pityé pou li ! Poum spès ti salté, ou la manz ali.

Boum ! in dézord.Poum i rode sové mé la portan boi la koinss son pti blouz de nuite..Li pmazine la min d’moun i trape ali par son blouz pou anpèsh ali shapé ;Lomarmaye i mète a kriyé.Toulmoun i révèye :in gro limyèr i klère dann léskalyé. La onte ! Lo momon,Bertha, son papa avèk in baton dan la min ?Firmin lo domèstik avèk in fizi d’shass.

Epi li ! Poum ! dovan tousa d’moun prizonyé la porte an boi vanzérèz.

La fini

in tèks justin la mète dan la lang kréol rényonèz é téi sort dann in liv Paul Margueritte (1860)

Morso 1