Kank la-fine règ lœ ka lœ pain (vittman-vittman i arète rienk in mti guine la farine krü, détroi zékli la kroute i gaingne mèm pi trapé si tèlman lé fin ), kank la-fine manze toute lœ pain, là, soman, nou la-apérsü lœ “kari” : st’in drol pti piton la filasse zone-oranz èk 2 lamèl pti kaniki konkonme pozé dessi la tête anlér. Drol zafèr pou vréman ! Drol pa drol, Ari sé-d’ tir in bon plote pou li, sé-d’ bour in bèl boushé dann son gran kavérne bordé-lœ-dent. Touttsuite pou touttsuite li (…)