« Ou la-révasse deux zour plin, out papa la-di aou, apré. Ou té i rire sinpleman… rire, rire, rire… Ka ka ka… Ka ka ka… Ou i pé pa konète koman k’ ça té i trakasse amwin ! – Ou té i préfère mi plère ? – Fransh vérité, ça oui ! Mwin té i kroire mon garson la-vni fou. Pa rien k’ ça… – Koça ankor ? – Out granpér, malade, pliské malade – dessi son li d’ mor – té pou rakonte inn ce bann kouyonade li navé labitide rakonté-là. In léspèsse zistoir li la-invanté, in nafèr konm Sin-Zozèf, en (…)