Son zabo la gonflé ! Poitan, bann bourboné zot mem, l’avé parti rod in gouvèrnèr dan La Frans, l’avé ansipliy la konpagni dé z’Inn pou an avoir in vré gouvèrnèr pou diriz la koloni. Bou di kont, lo roi Louis XIV l’avé donn son akor pou nonm Vauboulon konm gouvèrnèr épi la donn ali lo pouvoir, tout lo pouvoir. Pétèt sa-mem la fé gonf son zabo, la déranz son tèt.. La Frans l’avé lo roi é la koloni l’avé son gouvèrnèr. Li l’été paré pou kommand so bann spès koko dir, so bann lansyin (…)