La lang kréol La Rénion, sa sé soubassman nout kültür, poto mitan la kaz "Réunion", lidantité nout pèp. Donkalor, i méritt alï, donn alï son plass dann lékol. Zordï nana toutt bann tèks pou pèrmètt alï an aoir son plass konm ki fo, pti lékol li, lékol primèr li, kolèj li, lissé, lïnïvèrsité. Kréol nana lë droi rant dann lékol par la grand port, pa par la port la kïzine.

Nana in bann mèt lékol lé dakor pou sa, nana in bon formassion pou sa. Bann paran lé dakor si nou baz sï in sondaj la fé lané 2000.
Alor, akoz i dirè, i marsh pa si tèlman bien ? Sré t’i akoz réktora i vé pa ? Sré t’i akoz bann linspéktèr i vé pa ? Sré t’i akoz toussa bann vaza i ral déyèr ? Oussa i lé lë vèr la pou pik lë frui ?

Navé in boug té i di : « La guèr, sa lé tro séryé pou bann militèr améné ». Anou galman, nou dëvré di : « lansègnman la lang kréol lé tro séryé pou réktora tousèl okïpé » ?
Alors, dalon, dalone, alon mète ansanm !

Justin