Na toute in bann kandida la amène zot propagann avèk so drol de kozman : « Toute sof Vergès ! » pou promyé tour, é kan i ariv dézyèm tour, lo mèm z’afèr i rosorte ankor. Dizon, zot i atak la famiy lo prézidan, é la poin aryin la-dan pou étone anou vi k’la rokonésans é zot la pa kroizé dann shomin la vi.
Solman kan ou i kalkil in pé, ou lé forsé pou fé la romark : toute sof Vergès, sé toute sof l’Alians, toute sof bilan Konsèy réjyonal, toute sof son program pou lo koup de tan k’i vyin... toute sof sak i amène anou firamézir dann shomin lo dévlopman avèk son kat poto : l’ékonomi, lo sosyal, l’anvironeman, épi la kultur. Dizon sé rotourn dann in tan post-kolonyal nou la pankor shapé pou vréman.
L’èr-la, i fo groupé, i fo rassanblé, i fo mète ansanm, i fo élarzi l’Alyans konm lo prézidan la déside pou fé, vi k’nout l’avnir lé an danzé... é nou lé konm dann in ka lézitime défans.

 Justin